TINAMAAN din pala ng COVID-19 ang mga magulang ng internet sensation at vlogger na si Mimiyuuuh na siyang dahilan kung bakit nawala siya pansamantala sa YouTube.
Labis siyang nakaramdam ng takot nang maging severe ang kaso ng kanyang nanay. Kasabay nito, inamin din niya na isa siya sa mga taong hindi masyadong sineseryoso ang COVID-19. “Ganu’n ako talaga, noong una, pero kinain ko po lahat ng sinabi ko, because of what happened to my parents. Ang masaklap pa raw dito ay nakuha nila ang positive result ng kanilang nanay noong April 6, ang mismong kaarawan ni Tatay Amadz.
Agad naman daw na nag-self quarantine si Nanay Bheng sa tahanan ngunit nang hindi pa rin bumubuti ang kundisyon nito, nagdesisyon na sina Mimiyuuuh na kumunsulta sa doktor at dalhin na sa ospital ang magulang. “Nag-ready po kami ng mga dadalhin, sumama po du’n sa ospital ay si Kuya, si Bebe, pati rin po ‘yung tito ko po as a driver and naka-PPE po sila, naka-face shield, naka-double mask ganyan.